Dagurinn í dag var fjandi strembinn, en losnaði þó við drenið. Þá er bara ein hjásvæfa eftir sem ég að reyna að vingast við. Matarlystin lætur aðeins á sé kræla, en þetta er óttalegt kropp. Ég fæ lystina ekki fyrr en eftir fimmtudaginn, og dett svo almennilega í gírinn þegar ég kemst heim. Þegar ég hugsa og horfi á litla fólkið mitt fyrir vestan eykur það kjarkinn og bjartsýnina. Í hana rígheld ég og bið enn og aftur að fimmtudagurinn gefi mér byr undir báða vængi og taki smám saman stóra kökkinn sem læðist að mér af og til og sendi hann austnorðvesturogniður. Svo mörg voru þau orð þar til næst þið góða fallega fólk. 
7 ummæli:
Stórt knús á þig og ég vona að þú losnir líka við hina leiðinlegu hjásvæfuna sem fyrst og þá á ég ekki við Bróa ;) Vona að þú fáir góðar fréttir.
Kv. Íris Gíslad
Svona bið er mjög erfið en við vonum og biðjum að fréttirnar verði góðar. Það er auðvitað styrkur í því að horfa á þessa yndislegu drengi og hlakka til að hitta þá í sumar.
Bestu kveðjur.
Já þeir eru yndislegir gullmolarnir þínir.Bestu kv,Ásta
Vonum að allt gangi vel. Allar góðar vættir veri með þér. Kveðja Katrín og Reynir Hlíðarbergi.
Enn á ný sendi ég þér baráttukveðjur og ósk um að morgundagurinn færi þér góðar fréttir.
Með hjartans kveðju til ykkar bestimann.
Stórt og enn stærra knús á ykkur bæði Magga
Vona að þú hafir fengið góðar fréttir í dag, krossa fingur og sendi ykkur góðar hugsanir.
kv. Helga
Skrifa ummæli