föstudagur, 18. mars 2011
Rússibanaferð!
Kæru vinir þarna úti. Nú er ég að upplifa eitthvað sem ég get ekki lýst öðruvísi en verulegum hremmingum. Mér finnst eins og ég hafi keyrt stjórnlaust á steinvegg. Fyrir tveimur vikum fór ég í árlega brjóstaskoðun, og núna stend ég frammi fyrir að missa annað brjóstið. Aðgerðin verður gerð á mánudaginn og það eina í stöðunni er standa í báðar fætur. Ég er sterk kona, þokkalega greind, hraust, bjartsýniskella að eðlisfari og ætla mér að reka þennan fjanda af höndum mér. Þetta geri ég ekki ein og vinalaus. Þvílíkt lækna og hjúkrunarteymi sem heldur utanum okkur...... Þetta fólk kann sitt fag, og á það ætla ég að treysta. Fjölskylda okkar beggja sem og vinir eru gull. Vinátta og sterk fjölskyldubönd gera kraftaverk vil ég trúa. Bestimann er sem fyrr minn klettur, og ég hans, svo saman erum við gott team. Restin af teyminu okkar er í landinu stóra hvar ég vona að Bert verði kominn heim til að halda utanum sig og sitt fólk. Lifið í friði og látið tékka á ykkur öll sem eitt. Þar til næst.
Gerast áskrifandi að:
Birta ummæli (Atom)
27 ummæli:
knús á þig Gulla mín
Ég er hér þó langt sé frá ykkur...þykir þú svo dugleg og er endalaust stolt af þér. Elska þig,Svanfríður.
Elsku Gulla þetta er leiðinlegt að heyra...En ég hef fulla trú á að allt gangi vel þar sem þú ert algjör hetja...Ég er hér fyrir ykkur ef það er eitthvað sem ég get gert mundu það(hef því miður töluverða reynslu í að vera aðstandandi) Knús á ykkur öll og gangi þér vel...Kveðja Ragnheiður hans Gauta!
Elsku Gulla. Gangi þér allt í haginn. Ég er svo sammála þér með læknateamið okkar, það stendur sig svo sannarlega vel. Knús til ykkar Bróa og Svanfríðar og fjölskyldu. Saman eruð þið sterkari!
Kv. Arna Ósk
Ekki efast ég um í hálfa sek. að þú ert jafn falleg og frábær þó þú losir þig við annað brjóstið. Kæra Guðlaug, gangi þér allt í haginn, þú ert greinilega ákveðin og sterk, og lánssöm að hafa góðan bestimann þér við hlið. Allar mínar bestu kveðjur sendi ég þér : )
Kæra Gulla! En hvað þetta eru leiðinlegar fréttir, gangi þér sem allra allra best í baráttunni og að sjálfsögðu sigrar þú þennan óvin. Sendi ykkur hlýjar hugsanir og góðar kveðjur úr borginni. Lovísa Þóra
Elsku Gulla,gangi þér sem allra best í þessu verkefni sem þú munt örugglega vinna,ekki spurning,
Kv Bugga
Elsku Gulla, þú átt eftir að rúlla þessu öllu upp :) Gangi þér vel! Bestu kveðjur frá Köben, Finnur Smári og Steinunn Hödd!
Ekki góðar fréttir en gott að það sé búið að uppgötva þetta mein og hægt sé að gera eitthvað til að eyða því. Baráttukveðjur frá Noregi.
Gangi þér vel í þessu verkefni Gulla mín. Knús á þig og þína.
Elsku Gulla. Við hugsum fallega til þín og þinna. Gangi þér sem allra best! Með ákveðninni og styrknum þínum kemur þú út sem sigurvegari, það er klárt mál! :)
B.kv. Nanna og Frikki
Elsku hjartans vina, hrikalega tók á að lesa þessar línur. En ég veit eftir að hafa kynnst Svanfríði að þú ert sterkari en veggurinn sem þú nú ókst á og verður ekki í vandræðum með að ryðja honum úr vegi þínum. Ég get líka lagt mikið traust í læknana heima og að þeir þekki vel að hverju þeir gangi því skólasystir mín sem missti bæði brjóstin fyrir tveim árum var að fá tandurhreina skoðun núna 16 mars, daginn fyrir afmælið sitt, og þarf ekki að hitta læknana næstu 6 mánuðina. Ég bið fyrir styrk þér til handa og vona að allt gangi vel - farðu vel með þig.
bestu kveðjur
Stella
Elsku Gulla, mínar bestu baráttukveðjur til þín og ég bið að allt fari vel.
G.Sigfinns
Elsku Gulla mín, ég sendi þér mína allra sterkustu strauma. Þú ert svo sannarlega sterk kona!
kv. Heiðdís Hauksdóttir
Þarna valdi þessi óvættur rangan óvin! Þú rúllar þessu upp, það kemur bara ekkert annað til greina!
Þetta var sannkallaður skellur, að fá svona óboðinn gest í heimsókn. Ég er alveg viss um að þér tekst að reka hann á dyr með aðstoð þinna nánustu og þessa góða fólks í heilbrigðisstétt sem kann sitt fag. Ég sendi ykkur hjónum mínar bestu kveðjur, ég mun hugsa til þín á mánudaginn og svo auðvitað áfram.
Þórunn í kotinu.
Elsku Gulla!
Ég sendi þér og Bróa miklar og stórar baráttukveðjur vegna þess sem framundan er.
Knús frá mér og mínum hérna uppi á efri Hólabrautinni, Alla Fanney.
Mér brá mikið við að heyra þessar fréttir elsku Gulla mín. Hinsvegar veit ég að þú sigrast á þessu, enda ertu hörkutól og með gott fólk í kringum þig.
Knús og baráttukveðjur til ykkar!
Árdís og fjölskylda
Mikið er leiðinlegt að heyra þetta, en þennan óvin rekur þú á dyr, það er ekki spurning.
Við eigum svo frábæra lækna og batahorfur orðnar svo miklar að ég er alveg viss um að allt gengur vel. Ég hugsa til þín Guðlaug mín og bið allar góðar vættir að vera með þér á mánudaginn og áfram.
Hjartans kveðjur til ykkar bestimann.
Ég óska þér bata og góðs gengis frænka. Ef eitthvað vantar hér í borginni þá veistu símanúmerið mitt - og gerðu það fyrir mig að leita til mín ef ég get hjálpað, sama hvað það er.
Í litla bláa húsinu líta allir vel út. Svanfríður ljómaði þegar hún vissi með vissu að Bert væri að fljúga heim og ömmudrengirnir þínir eru frábærir drengir - mér finnst yndislegt hvað þið eruð tengd öll og hvað ykkur þykir vænt um hvort annað.
Baráttukveðjur úr vesturbænum!
Inda
Þetta voru slæmar fréttir! Gangi þér vel, ég hef fulla trú á að þér takist að sigra þennan fjanda!
Ég veit þú hristir þennan óþverra af þér Gulla mín þú ert svo dugleg. Við Torfi sendum ykkur Bróa baráttukveðjur og hlýja strauma yfir til ykkar á morgun.
Gangi ykkur vel kæru vinir.
Gangi þér vel Gulla mín,
bestu kv.Ásta.
Hæ fínust mín,hugsa mikið til þín gangi þér sem allra best, stórt knús á ykkur bæði Magga
Gangi þér sem allra best, ég veit að þú átt nægan styrk til að takast á við þetta óvelkomna verkefni.
Gangi þér rosalega vel
Elsku Gulla
Þú sigrast á þessu,sterk eins og þú hefar alltaf verið og verður mætt aftur að kenna okkur :) áður en þú veist af :) hafðu það gott
Kveðja Ragnar M.
Skrifa ummæli